Munir Niazi was an Urdu and also Punjabi poet from Pakistan. Munir Ahmed familiar to speak to personally Punjabi like Punjabi meaning is traditional and also geographical, nearly all of his Punjabi Poetry as well shown the tradition of Punjab Sufi Poetry. Munir Niazi Poetry is written in Punjabi but that is translated like Munir Niazi Poetry In Punjabi, Munir Niazi Poetry In Urdu, Munir Niazi Poems, Munir Niazi Punjabi Poetry etc. Munir Niazi provides tried using poetic styles and also possesses used to make a brand new model, cycle and also diction in Urdu poetry. Some of his poetry was utilized in movies and also these types of movie songs grew to become very popular super-hit songs among the Pakistani public.

Munir Niazi Poetry

[su_spoiler title=”  ” open=”yes” style=”fancy” icon=”chevron” anchor=”” class=””]
aa gai yaad sham Dhalte hi
bujh gaya dil charagh jalte hi

khul gae shahr-e-gham ke darwaze
ek zara si hawa ke chalte hi

kaun tha tu ki phir na dekha tujhe
miT gaya KHwab aankh malte hi

KHauf aata hai apne hi ghar se
mah-e-shab-tab ke nikalte hi

tu bhi jaise badal sa jata hai
aks-e-diwar ke badalte hi

KHun sa lag gaya hai hathon mein
chaDh gaya zahr gul masalte hi
[/su_spoiler]

Munir Niazi Poetry In Punjabi

[su_spoiler title=”  ” open=”yes” style=”fancy” icon=”chevron” anchor=”” class=””]
aai hai ab yaad kya raat ek bite sal ki
yahi hawa thi bagh mein yahi sada ghaDiyal ki

mahak ajab si ho gai paDe paDe sanduq mein
rangat phiki paD gai resham ke rumal ki

shahr mein Dar tha maut ka chand ki chauthi raat ko
inTon ki is khoh mein dahshat thi bhaunchaal ki

sham jhuki thi bahr par pagal ho kar rang se
ya taswir thi KHwab mein mere kisi KHayal ki

umr ke sath ajib sa ban jata hai aadmi
haalat dekh ke dukh hua aaj us pari-jamal ki

dekh ke mujh ko ghaur se phir wo chup se ho gae
dil mein KHalish hai aaj tak is an-kahe sawal ki
[/su_spoiler]

Munir Niazi Poetry In Urdu

[su_spoiler title=”  ” open=”yes” style=”fancy” icon=”chevron” anchor=”” class=””]
aaina ab juda nahin karta
qaid mein hun riha nahin karta

mustaqil sabr mein hai koh-e-giran
naqsh-e-ibrat sada nahin karta

rang-e-mahfil badalta rahta hai
rang koi wafa nahin karta

aish-e-duniya ki justuju mat kar
ye dafina mila nahin karta

ji mein aae jo kar guzarta hai
tu kisi ka kaha nahin karta

ek waris hamesha hota hai
taKHt KHali raha nahin karta

ahd-e-insaf aa raha hai ‘munir’
zulm daem hua nahin karta
[/su_spoiler]

Munir Niazi Poetry In Writen Form

[su_spoiler title=”  ” open=”yes” style=”fancy” icon=”chevron” anchor=”” class=””]
abhi mujhe ek dasht-e-sada ki virani se guzarna hai
ek masafat KHatm hui hai ek safar abhi karna hai

giri hui diwaron mein jakDe se hue darwazon ki
KHakistar si dahlizon par sard hawa ne Darna hai

Dar jaana hai dasht-o-jabal ne tanhai ki haibat se
aadhi raat ko jab mahtab ne tariki se ubharna hai

ye to abhi aaghaz hai jaise is pinha-e-hairat ka
aankh ne aur sanwar jaana hai rang ne aur nikharna hai

jaise zar ki pilahaT mein mauj-e-KHun utarti hai
zahr-e-zar ke tund nashe ne dida-o-dil mein utarna hai
[/su_spoiler]

Munir Niazi 2 Line Poetry

[su_spoiler title=”  ” open=”yes” style=”fancy” icon=”chevron” anchor=”” class=””]
apna to ye kaam hai bhai dil ka KHun bahate rahna
jag jag kar in raaton mein sher ki aag jalate rahna

apne gharon se dur banon mein phirte hue aawara logo
kabhi kabhi jab waqt mile to apne ghar bhi jate rahna

raat ke dasht mein phul khile hain bhuli-bisri yaadon ke
gham ki tez sharab se un ke tikhe naqsh miTate rahna

KHushbu ki diwar ke pichhe kaise kaise rang jame hain
jab tak din ka suraj aae us ka khoj lagate rahna

tum bhi ‘munir’ ab un galiyon se apne aap ko dur hi rakhna
achchha hai jhuTe logon se apna-ap bachate rahna
[/su_spoiler]

Munir Niazi Poems

[su_spoiler title=”  ” open=”yes” style=”fancy” icon=”chevron” anchor=”” class=””]
apne ghar ko wapas jao ro ro kar samjhata hai
jahan bhi jaun mera saya pichhe pichhe aata hai

us ko bhi to ja kar dekho us ka haal bhi mujh sa hai
chup chup rah kar dukh sahne se to insan mar jata hai

mujh se mohabbat bhi hai us ko lekin ye dastur hai us ka
ghair se milta hai hans hans kar mujh se hi sharmata hai

kitne yar hain phir bhi ‘munir’ is aabaadi mein akela hai
apne hi gham ke nashshe se apna ji bahlata hai
[/su_spoiler]

Munir Niazi Punjabi Poetry

[su_spoiler title=”  ” open=”yes” style=”fancy” icon=”chevron” anchor=”” class=””]
apni hi tegh-e-ada se aap ghayal ho gaya
chand ne pani mein dekha aur pagal ho gaya

wo hawa thi sham hi se raste KHali ho gae
wo ghaTa barsi ki sara shahr jal-thal ho gaya

main akela aur safar ki sham rangon mein Dhali
phir ye manzar meri nazron se bhi ojhal ho gaya

ab kahan hoga wo aur hoga bhi to waisa kahan
soch kar ye baat ji kuchh aur bojhal ho gaya

husn ki dahshat ajab thi wasl ki shab mein ‘munir’
hath jaise intiha-e-shauq se shal ho gaya
[/su_spoiler]

Munir Niazi Poetry

[su_spoiler title=”  ” open=”yes” style=”fancy” icon=”chevron” anchor=”” class=””]
KHwab-o-KHayal-e-gul se kidhar jae aadmi
ek gulshan-e-hawa hai jidhar jae aadmi

dekhe hue se lagte hain raste makan makin
jis shahr mein bhaTak ke jidhar jae aadmi

dekhe hain wo nagar ki abhi tak hun KHauf mein
wo suraten mili hain ki Dar jae aadmi

ye bahr-e-hast-o-bud hai be-gauhar-e-murad
gahraiyon mein is ki agar jae aadmi

parde mein rang-o-bu ke safar-dar-safar ‘munir’
in manzilon se kaise guzar jae aadmi
[/su_spoiler]

Munir Niazi Poetry In Punjabi

[su_spoiler title=”  ” open=”yes” style=”fancy” icon=”chevron” anchor=”” class=””]
kisi ko apne amal ka hisab kya dete
sawal sare ghalat the jawab kya dete

KHarab sadiyon ki be-KHwabiyan thin aankhon mein
ab in be-ant KHalaon mein KHwab kya dete

hawa ki tarah musafir the dilbaron ke dil
unhen bas ek hi ghar ka azab kya dete

sharab dil ki talab thi shara ke pahre mein
hum itni tangi mein us ko sharab kya dete

‘munir’ dasht shurua se sarab-asa tha
is aaine ko tamanna ki aab kya dete
[/su_spoiler]

Munir Niazi Poetry In Urdu

[su_spoiler title=”  ” open=”yes” style=”fancy” icon=”chevron” anchor=”” class=””]
koi dagh hai mere nam par
koi saya mere kalam par

ye pahaD hai mere samne
ki kitab manzar-e-am par

kisi intizar-e-nazar mein hai
koi raushni kisi baam par

ye nagar parindon ka ghol hai
jo gira hai dana-o-dam par

gham-e-KHas par kabhi chup rahe
kabhi ro diye gham-e-am par

hai ‘munir’ hairat-e-mustaqil
main khaDa hun aise maqam par
[/su_spoiler]

Munir Niazi Poetry In Writen Form

[su_spoiler title=”  ” open=”yes” style=”fancy” icon=”chevron” anchor=”” class=””]
koi had nahin hai kamal ki
koi had nahin hai jamal ki

wahi qurb o dur ki manzilen
wahi sham KHwab-o-KHayal ki

na mujhe hi us ka pata koi
na use KHabar mere haal ki

ye jawab meri sada ka hai
ki sada hai us ke sawal ki

ye namaz-e-asr ka waqt hai
ye ghaDi hai din ke zawal ki

wo qayamaten jo guzar gain
thin amanaten kai sal ki

hai ‘munir’ teri nigah mein
koi baat gahre malal ki
[/su_spoiler]

Munir Niazi 2 Line Poetry

[su_spoiler title=”  ” open=”yes” style=”fancy” icon=”chevron” anchor=”” class=””]
mahfil-ara the magar phir kam-numa hote gae
dekhte hi dekhte hum kya se kya hote gae

na-shanasi dahr ki tanha hamein karti gai
hote hote hum zamane se juda hote gae

muntazir jaise the dar shahar-e-firaq-asar ke
ek zara dastak hui dar dam mein wa hote gae

harf parda-posh the izhaar-e-dil ke bab mein
harf jitne shahr mein the harf-e-la hote gae

waqt kis tezi se guzra roz-marra mein ‘munir’
aaj kal hota gaya aur din hawa hote gae
[/su_spoiler]

Munir Niazi Poems

[su_spoiler title=”  ” open=”yes” style=”fancy” icon=”chevron” anchor=”” class=””]
makan mein qaid-e-sada ki dahshat
makan se bahar KHala ki dahshat

hawa hai KHauf-e-KHuda se KHali
hai is nagar mein bala ki dahshat

ghira hua hun main har taraf se
hai aaine mein hawa ki dahshat

zamin pe har samt hadd-e-aKHir
falak pe la-intiha ki dahshat

shajar ke sae mein maut dekho
samar mein us ke fana ki dahshat
[/su_spoiler]

Munir Niazi Punjabi Poetry

[su_spoiler title=”  ” open=”yes” style=”fancy” icon=”chevron” anchor=”” class=””]
meri sari zindagi ko be-samar us ne kiya
umr meri thi magar us ko basar us ne kiya

main bahut kamzor tha is mulk mein hijrat ke baad
par mujhe is mulk mein kamzor-tar us ne kiya

rahbar mera bana gumrah karne ke liye
mujh ko sidhe raste se dar-ba-dar us ne kiya

shahr mein wo mo’atabar meri gawahi se hua
phir mujhe is shahr mein na-mo’tabar us ne kiya

shahr ko barbaad kar ke rakh diya us ne ‘munir’
shahr par ye zulm mere nam par us ne kiya
[/su_spoiler]

Munir Niazi Poetry

[su_spoiler title=”  ” open=”yes” style=”fancy” icon=”chevron” anchor=”” class=””]
misal-e-sang khaDa hai usi hasin ki tarah
makan ki shakl bhi dekho dil-e-makin ki tarah

mulaemat hai andhere mein us ki sanson se
damak rahi hain wo aankhen hare nagin ki tarah

nawah-e-qarya hai sunsan sham-e-sarma mein
kisi qadim zamane ki sar-zamin ki tarah

zamin dur se tara dikhai deti hai
ruka hai us pe qamar chashm-e-sair-bin ki tarah

fareb deti hai wusat nazar ki ufuqon par
hai koi chiz wahan sehr-e-nilmin ki tarah

‘munir’ ahd hai ab aaKHir-e-masafat ka
ki chal rahi hai hawa baad-e-wapsin ki tarah
[/su_spoiler]

Munir Niazi Poetry In Punjabi

[su_spoiler title=”  ” open=”yes” style=”fancy” icon=”chevron” anchor=”” class=””]
ek tez tir tha ki laga aur nikal gaya
mari jo chiKH rail ne jangal dahal gaya

soya hua tha shahr kisi sanp ki tarah
main dekhta hi rah gaya aur chand Dhal gaya

KHwahish ki garmiyan thin ajab un ke jism mein
KHuban ki sohbaton mein mera KHun jal gaya

thi sham zahr-e-rang mein Dubi hui khaDi
phir ek zara si der mein manzar badal gaya

muddat ke baad aaj use dekh kar ‘munir’
ek bar dil to dhaDka magar phir sambhal gaya[/su_spoiler]

Munir Niazi Poetry In Urdu

[su_spoiler title=”  ” open=”yes” style=”fancy” icon=”chevron” anchor=”” class=””]
imtihan hum ne diye is dar-e-fani mein bahut
ranj khinche hum ne apni la-makani mein bahut

wo nahin us sa to hai KHwab-e-bahaar-e-jawedan
asl ki KHushbu uDi hai us ke sani mein bahut

raat din ke aane jaane mein ye sona jagna
fikr walon ko pate hain is nishani mein bahut

koyalen kukin bahut diwar-e-gulshan ki taraf
chand damka hauz ke shaffaf pani mein bahut

us ko kya yaaden thin kya aur kis jagah par rah gain
tez hai dariya-e-dil apni rawani mein bahut

aaj us mahfil mein tujh ko bolte dekha ‘munir’
to ki jo mashhur tha yun be-zabani mein bahut
[/su_spoiler]

Munir Niazi Poetry In Writen Form

[su_spoiler title=”  ” open=”yes” style=”fancy” icon=”chevron” anchor=”” class=””]
is shahr ke yahin kahin hone ka rang hai
is KHak mein kahin kahin sone ka rang hai

pain chaman hai KHud-raw daraKHton ka jhunD sa
mehrab-e-dar pe us ke na hone ka rang hai

tufan-e-abr-o-baad nihan sahilon pe hai
dariya ki KHamushi mein Dubone ka rang hai

is ahd se wafa ka sila marg-e-raegan
us ki faza mein har ghaDi khone ka rang hai

hai sar-zamin-e-shor ki ek chadar-e-safa
kaisa ajib murda bichhaune ka rang hai

surKHi hai jo gulab si aankhon mein ai ‘munir’
KHar-e-bahaar dil mein chubhone ka rang hai
[/su_spoiler]

Munir Niazi 2 Line Poetry

[su_spoiler title=”  ” open=”yes” style=”fancy” icon=”chevron” anchor=”” class=””]
is shahr-e-sang-dil ko jala dena chahiye
phir us ki KHak ko bhi uDa dena chahiye

milti nahin panah hamein jis zamin par
ek hashr us zamin pe uTha dena chahiye

had se guzar gai hai yahan rasm-e-qaheri
is dahr ko ab is ki saza dena chahiye

ek tez rad jaisi sada har makan mein
logon ko un ke ghar mein Dara dena chahiye

gum ho chale ho tum to bahut KHud mein ai ‘munir’
duniya ko kuchh to apna pata dena chahiye
[/su_spoiler]

Munir Niazi Poems

[su_spoiler title=”  ” open=”yes” style=”fancy” icon=”chevron” anchor=”” class=””]
itne KHamosh bhi raha na karo
gham judai mein yun kiya na karo

KHwab hote hain dekhne ke liye
un mein ja kar magar raha na karo

kuchh na hoga gila bhi karne se
zalimon se gila kiya na karo

un se niklen hikayaten shayad
harf likh kar miTa diya na karo

apne rutbe ka kuchh lihaz ‘munir’
yar sab ko bana liya na karo
[/su_spoiler]
[su_divider top=”yes” text=”Go To Top” style=”dashed” divider_color=”blue” link_color=”black” size=”3″ margin=”15″ class=””]