Friendship Poetry

Aapki aankhon mein milegi hamein panah,
Chahe samjho dil lagi ya samjho gunah,
Bhaley hi hamein koi deewana qarar de,
Hum to ho gaye aapki dosti mein fanaa.
———
Jisne chand ki roshni nahi dekhi.
Jisne phulon ki tazgi nahi dekhi.
Jo yeh kehte hain ke mitt jati hai dooriyon se dosti,
Usne shayad hamari dosti nahi dekhi.
———
Din beet jaate hain suhani yaadein bankar,
Baatein reh jaati hain kahani bankar,
Par dost to hamesha kareeb rahenge,
Kabhi muskaan to aankhon ka pani bankar.
———
Duaon mein shamil ho is tarah,
Phoolon mein hoti hai khushbu jis tarah.
Khuda aapki zindagi mein itni khushiyan de,
Dharti par hoti hai baarish jis tarah.
———
Hansee chhupana kisi ko gawara nahi hota,
Har musafir zindagi ka sahara nahi hota,
Milte hain log is tanha zindagi mein par,
Har koi dost tumsa payara nahi hota.
———
Dosti woh ehsas hai jo mit-ta nahi,
Dosti parwat hai woh jo jhukta nahi,
Iski keemat kya hai puchho humse,
Yeh woh anmol moti hai jo bikta nahi.
———
Dost shabd nahi jo mit jaaye,
Umra nahi jo dhal jaaye,
Safar nahi jo kat jaaye,
Yeh woh ehsaas hai,
Jiske liye jiya jaaye to.
Zindagi kam pad jaaye.
———
Woh yaad nahi karte,
Hum bhula nahi sakte.
Woh hansa nahi sakte,
Hum rula nahi sakte.
Dosti itni khoobsurat hai hamaari ki,
Woh bata nahi sakte,
Aur hum jata nahi sakte.
———
Khusboo ki tarah meri sanson mein rehna,
Lahu banke meri nas nas mein behna,
Dosti hoti hai rishton ka anmol gehna,
Isliye dost ko kabhi alvida na kehna.
———
Teri muskuraht meri pehchaan hai,
Teri khushi meri jaan hai,
Kuchh bhi nahi meri zindagi,
Bas itna samajh le ki tera dost hona meri shaan hai