raaz-e-ulfat chhupa ke dekh liya
dil bahut kuchh jala ke dekh liya

aur kya dekhne ko baqi hai
aap se dil laga ke dekh liya

wo mere ho ke bhi mere na hue
un ko apna bana ke dekh liya

aaj un ki nazar mein kuchh hum ne
sab ki nazren bacha ke dekh liya

‘faiz’ takmil-e-gham bhi ho na saki
ishq ko aazma ke dekh liya

Ab Apna Ikhtiar Hai Chahy Jahan Chlain
Rehbar Se Apni Rah Juda Kar Chuke Hain Ham

Aap Ki Yaad Aati Rahi Raat Bhar
Chandi Dil Dukhati Rahi Raat Bhar

rah-e-KHizan mein talash-e-bahaar karte rahe
shab-e-siyah se talab husn-e-yar karte rahe

KHayal-e-yar kabhi zikr-e-yar karte rahe
isi mataa pe hum rozgar karte rahe

nahin shikayat-e-hijran ki is wasile se
hum un se rishta-e-dil ustuwar karte rahe

wo din ki koi bhi jab wajh-e-intizar na thi
hum un mein tera siwa intizar karte rahe

hum apne raaz pe nazan the sharmsar na the
har ek se suKHan-e-raaz-dar karte rahe

ziya-e-bazm-e-jahan bar bar mand hui
hadis-e-shola-ruKHan bar bar karte rahe

unhin ke faiz se bazar-e-aql raushan hai
jo gah gah junun iKHtiyar karte rahe

Kab Thehray Ga Dard Ae Dil, Kab Raat Basar Ho Gi
Sunte Thay Wo Ayen Gay, Sunte Thay Sehar Ho Gi

Wo Aa Rahe Hain Wo Aate Hain Aa Rahe Hun Gey
Shab-e Firaq Ye Keh Kar Guzar Di Ham Ne

sab qatl ho ke tere muqabil se aae hain
hum log surKH-ru hain ki manzil se aae hain

sham-e-nazar KHayal ke anjum jigar ke dagh
jitne charagh hain teri mahfil se aae hain

uTh kar to aa gae hain teri bazm se magar
kuchh dil hi jaanta hai ki kis dil se aae hain

har ek qadam ajal tha har ek gam zindagi
hum ghum phir ke kucha-e-qatil se aae hain

baad-e-KHizan ka shukr karo ‘faiz’ jis ke hath
name kisi bahaar-e-shimail se aae hain

Awaz main thehrao tha ankhon main nami thi
Aur keh raha tha main ne sab kuch bhula dia

Tere Qol-o Qarar Se Pehle
Apne Kuch Aur Bhi Sahare Thay

sabhi kuchh hai tera diya hua sabhi rahaten sabhi kulfaten
kabhi sohbaten kabhi furqaten kabhi duriyan kabhi qurbaten

ye suKHan jo hum ne raqam kiye ye hain sab waraq teri yaad ke
koi lamha subh-e-visal ka koi sham-e-hijr ki muddaten

jo tumhaari man len naseha to rahega daman-e-dil mein kya
na kisi adu ki adawaten na kisi sanam ki murawwaten

chalo aao tum ko dikhaen hum jo bacha hai maqtal-e-shahr mein
ye mazar ahl-e-safa ke hain ye hain ahl-e-sidq ki turbaten

meri jaan aaj ka gham na kar ki na jaane katib-e-waqt ne
kisi apne kal mein bhi bhul kar kahin likh rakhi hon masarraten

Dil Na Umeed Tu Nahi Nakaam Hi Tu Hai
Lambi Hai Gham Hi Shaam Magar Shaam Hi Tu Hai

Na Jane Kis Liye Umeedwar Betha Hun
Ik Aesi Rah Pe Jo Teri Rah Guzar Bhi Nahi

sahal yun rah-e-zindagi ki hai
har qadam hum ne aashiqi ki hai

hum ne dil mein saja liye gulshan
jab bahaaron ne be-ruKHi ki hai

zahr se dho liye hain honT apne
lutf-e-saqi ne jab kami ki hai

tere kuche mein baadshahi ki
jab se nikle gadagari ki hai

bas wahi surKH-ru hua jis ne
bahr-e-KHun mein shanawari ki hai

jo guzarte the ‘dagh’ par sadme
ab wahi kaifiyat sabhi ki hai

Shaam-e Firaq Ab Na Poch Ayi Aur Aa Ke Tal Gai
Dil Tha Ke Phir Behal Gya Jan Thi Ke Phir Sambhal Gai

Uth Kar Tu Aa Gye Hain Teri Bazam Se Magar
Kuch Dil Hi Janta Hai Keh Kis Dil Se Aye Hain

shaKH par KHun-e-gul rawan hai wahi
shoKHi-e-rang-e-gulsitan hai wahi

sar wahi hai to aastan hai wahi
jaan wahi hai to jaan-e-jaan hai wahi

ab jahan mehrban nahin koi
kucha-e-yar mehrban hai wahi

barq sau bar gir ke KHak hui
raunaq-e-KHak-e-ashiyan hai wahi

aaj ki shab visal ki shab hai
dil se har roz dastan hai wahi

chand tare idhar nahin aate
warna zindan mein aasman hai wahi

Tumhari Yaad Ke Jab Zakhm Bharne Lagte Hain
Kisi Bahane Tumhein Yaad Karne Lagte Hain

Uth Kar Tu Aa Gaye Hain Teri Bazm Se Magar
Kuch Dil Hi Janta Hai Keh Kis Dil Se Aye Hain

sham-e-firaq ab na puchh aai aur aa ke Tal gai
dil tha ki phir bahal gaya jaan thi ki phir sambhal gai

bazm-e-KHayal mein tere husn ki shama jal gai
dard ka chand bujh gaya hijr ki raat Dhal gai

jab tujhe yaad kar liya subh mahak mahak uThi
jab tera gham jaga liya raat machal machal gai

dil se to har moamla kar ke chale the saf hum
kahne mein un ke samne baat badal badal gai

aaKHir-e-shab ke ham-safar ‘faiz’ na jaane kya hue
rah gai kis jagah saba subh kidhar nikal gai

Gar Bazi Ishq Ki Bazi Hai Jo Chao Laga Do Dar Kesa
Gar Jeet Gye Tu Kya Kehne, Haare Bhi Tu Bazi Maat Nahi