Ahmad Faraz Poetry

Bhed paen to rah-e-yar mein gum ho jaen
bhed paen to rah-e-yar mein gum ho jaen
warna kis waste bekar mein gum ho jaen

kya karen arz-e-tamanna ki tujhe dekhte hi
lafz pairaya-e-izhaar mein gum ho jaen

ye na ho tum bhi kisi bhiD mein kho jao kahin
ye na ho hum kisi bazar mein gum ho jaen

kis tarah tujh se kahen kitna bhala lagta hai
tujh ko dekhen tere didar mein gum ho jaen

hum tere shauq mein yun KHud ko ganwa baiThe hain
jaise bachche kisi tyauhaar mein gum ho jaen

pech itne bhi na do kirmak-e-resham ki tarah
dekhna sar hi na dastar mein gum ho jaen

aisa aashob-e-zamana hai ki Dar lagta hai
dil ke mazmun hi na ashaar mein gum ho jaen

shahryaron ke bulawe bahut aate hain ‘faraaz’
ye na ho aap bhi darbar mein gum ho jaen

Is tarah gaur se mat dekh mera haath ae Faraz
In laqiron mein hasraton ke siwa kuch bh nahin
Chaak-pairahani-e-gul ko saba jaanti hai
chaak-pairahani-e-gul ko saba jaanti hai
masti-e-shauq kahan band-e-qaba jaanti hai

hum to badnam-e-mohabbat the so ruswa Thahre
nasehon ko bhi magar KHalq-e-KHuda jaanti hai

kaun taqon pe raha kaun sar-e-rahguzar
shahr ke sare charaghon ko hawa jaanti hai

hawas inam samajhti hai karam ko tere
aur mohabbat hai ki ehsan ko saza jaanti hai

Ye mumkin nahin ki sab log hi badal jate hai
Kuchh haalaat ke saanchon mein bhi dhal jate hai
Chal nikalti hain gham-e-yar se baaten kya kya
chal nikalti hain gham-e-yar se baaten kya kya
hum ne bhi kin dar-o-diwar se baaten kya kya

baat ban aai hai phir se ki mere bare mein
us ne puchhin mere gham-KHwar se baaten kya kya

log lab-basta agar hon to nikal aati hain
chup ke pairaya-e-izhaar se baaten kya kya

kisi saudai ka qissa kisi harjai ki baat
log le aate hain bazar se baaten kya kya

hum ne bhi dast-shanasi ke bahane ki hain
hath mein hath liye pyar se baaten kya kya

kis ko bikna tha magar KHush hain ki is hile se
ho gain apne KHaridar se baaten kya kya

hum hain KHamosh ki majbur-e-mohabbat the ‘faraaz’
warna mansub hain sarkar se baaten kya kya

Kaun deta hai umar bhar ka sahara Faraz
log to janaje mein bhi kandhe badalte rehate hai
Chale the yar baDe zoam mein hawa ki tarah
chale the yar baDe zoam mein hawa ki tarah
palaT ke dekha to baiThe hain naqsh-e-pa ki tarah

mujhe wafa ki talab hai magar har ek se nahin
koi mile magar us yar-e-bewafa ki tarah

mere wajud ka sahra hai muntazir kab se
kabhi to aa jaras-e-ghuncha ki sada ki tarah

wo ajnabi tha to kyun mujh se pher kar aankhen
guzar gaya kisi derina aashna ki tarah

kashan kashan liye jati hai jaanib-e-manzil
nafas ki Dor bhi zanjir-e-be-sada ki tarah

‘faraaz’ kis ke sitam ka gila karen kis se
ki be-niyaz hui KHalq bhi KHuda ki tarah

Wo roz dekhta hai doobe hue sooraj ko Faraz
Kaash main bhi kisi sham ka manzar hota
Dil badan ka sharik-e-haal kahan
dil badan ka sharik-e-haal kahan
hijr phir hijr hai visal kahan

ishq hai nam intihaon ka
is samundar mein e’tidal kahan

aisa nashsha to zahr mein bhi na tha
ai gham-e-dil teri misal kahan

hum ko bhi apni paemali ka
hai magar is qadar malal kahan

main nai dosti ke moD pe tha
aa gaya hai tera KHayal kahan

dil ki KHush-fahm tha so hai warna
tere milne ka ehtimal kahan

wasl o hijran hain aur duniyaen
in zamanon mein mah-o-sal kahan

tujh ko dekha to log hairan hain
aa gaya shahr mein ghazal kahan

tujh pe likkhi to saj gai hai ghazal
aa mila KHwab se KHayal kahan

ab to shah mat ho rahi hai ‘faraaz’
ab bachaw ki koi chaal kahan

Khaali haathon ko kabhi gaur se dekha haimFaraz
Kis tarah log laqiron se nikal jate hai
Dil munafiq tha shab-e-hijr mein soya kaisa
dil munafiq tha shab-e-hijr mein soya kaisa
aur jab tujh se mila TuT ke roya kaisa

zindagi mein bhi ghazal hi ka qarina rakkha
KHwab-dar-KHwab tere gham ko piroya kaisa

ab to chehron pe bhi katbon ka guman hota hai
aankhen pathrai hui hain lab-e-goya kaisa

dekh ab qurb ka mausam bhi na sarsabz lage
hijr hi hijr marasim mein samoya kaisa

ek aansu tha ki dariya-e-nadamat tha ‘faraaz’
dil se bebak shanawar ko Duboya kaisa

Meri khushi ke lamhe is kadar mukhtsir hain Faraz
Gujar jate hai mere muskurane se pahale
Chalta tha kabhi haath mera thaam ke jis par
Karta hai bahut yaad wo rasta use kehana
Ummid wo rakhe na kisi aur se Faraz
Har shakhs muhabbat nahinkarta use kehana