Ahmad Faraz Poetry

Ahmed Faraz was a Pakistani Urdu poet. He is actually popular as being a single of the greatest modern-day Urdu poets of the very last hundred years. ‘Faraz’ is his pen title, He passed away in Islamabad on 25 August 2008. He was honored Sitara-i-Imtiaz, Hilal-e-Imtiaz and also posthumously the Hilal-e-Pakistan by the Govt of Pakistan. So we Provide in this blog Ahmed Faraz famous Poetry like Ahmad Faraz Poetry Suna Hai Log, Ahmad Faraz Poetry Ranjish Hi Sahi etc. Ahmad Faraz is Famous Poet In India And Pakistan. People search Ahmad Faraz Poetry Like Ahmad Faraz Poetry, Ahmad Faraz Shayari, Ahmad Faraz sher, Ahmad Faraz Ghazal etc. He writes his Poetry In Urdu, Poetry By Ahmad Faraz In Urdu Two Lines. In this post, we share like Ahmad Faraz Poetry On Love, Ahmad Faraz Poetry On Life, Ahmad Faraz Poetry On Bewafai, Ahmad Faraz Poetry In Urdu etc. Ahmed Faraz pointed out his present writing and written: “I now only write when I am forced to, from the inside”.

ahmad faraz poetry Ahmad Faraz Poetry  Ahmad Faraz Shayari Ahmad Faraz sher Ahmad Faraz Ghazal  Poetry By Ahmad Faraz In Urdu Poetry By Ahmad Faraz In Urdu Two Lines Ahmad Faraz Poetry  Ahmad Faraz Shayari Ahmad Faraz sher Ahmad Faraz Ghazal  Poetry By Ahmad Faraz In Urdu Poetry By Ahmad Faraz In Urdu Two Lines  ahmad faraz poetry Ahmad Faraz Poetry  Ahmad Faraz Shayari Ahmad Faraz sher Ahmad Faraz Ghazal  Poetry By Ahmad Faraz In Urdu Poetry By Ahmad Faraz In Urdu Two Lines Ahmad Faraz Poetry  Ahmad Faraz Shayari Ahmad Faraz sher Ahmad Faraz Ghazal  Poetry By Ahmad Faraz In Urdu Poetry By Ahmad Faraz In Urdu Two Lines

Ahmad Faraz Poetry Suna Hai Log

Suna hai log use aankh bhar ke dekhte hain
suna hai log use aankh bhar ke dekhte hain
so us ke shahr mein kuchh din Thahar ke dekhte hain

suna hai rabt hai us ko KHarab-haalon se
so apne aap ko barbaad kar ke dekhte hain

suna hai dard ki gahak hai chashm-e-naz us ki
so hum bhi us ki gali se guzar ke dekhte hain

suna hai us ko bhi hai sher o shairi se shaghaf
so hum bhi moajize apne hunar ke dekhte hain

suna hai bole to baaton se phul jhaDte hain
ye baat hai to chalo baat kar ke dekhte hain

suna hai raat use chand takta rahta hai
sitare baam-e-falak se utar ke dekhte hain

suna hai din ko use titliyan satati hain
suna hai raat ko jugnu Thahar ke dekhte hain

suna hai hashr hain us ki ghazal si aankhen
suna hai us ko hiran dasht bhar ke dekhte hain

suna hai raat se baDh kar hain kakulen us ki
suna hai sham ko sae guzar ke dekhte hain

suna hai us ki siyah-chashmagi qayamat hai
so us ko surma-farosh aah bhar ke dekhte hain

suna hai us ke labon se gulab jalte hain
so hum bahaar pe ilzam dhar ke dekhte hain

suna hai aaina timsal hai jabin us ki
jo sada dil hain use ban-sanwar ke dekhte hain

suna hai jab se hamail hain us ki gardan mein
mizaj aur hi lal o guhar ke dekhte hain

suna hai chashm-e-tasawwur se dasht-e-imkan mein
palang zawiye us ki kamar ke dekhte hain

suna hai us ke badan ki tarash aisi hai
ki phul apni qabaen katar ke dekhte hain

wo sarw-qad hai magar be-gul-e-murad nahin
ki us shajar pe shagufe samar ke dekhte hain

bas ek nigah se luTta hai qafila dil ka
so rah-rawan-e-tamanna bhi Dar ke dekhte hain

suna hai us ke shabistan se muttasil hai bahisht
makin udhar ke bhi jalwe idhar ke dekhte hain

ruke to gardishen us ka tawaf karti hain
chale to us ko zamane Thahar ke dekhte hain

kise nasib ki be-pairahan use dekhe
kabhi kabhi dar o diwar ghar ke dekhte hain

kahaniyan hi sahi sab mubaalghe hi sahi
agar wo KHwab hai tabir kar ke dekhte hain

ab us ke shahr mein Thahren ki kuch kar jaen
‘faraaz’ aao sitare safar ke dekhte hain

Ahmad Faraz Poetry In Urdu

Wo baat baat pe deta hai parindon ki misal
Saaf saaf nahin kehata mera sehar hi chhod do

Ahmad Faraz Poetry Ranjish Hi Sahi

ranjish hi sahi dil hi dukhane ke liye aa
aa phir se mujhe chhoD ke jaane ke liye aa

kuchh to mere pindar-e-mohabbat ka bharam rakh
tu bhi to kabhi mujh ko manane ke liye aa

pahle se marasim na sahi phir bhi kabhi to
rasm-o-rah-e-duniya hi nibhane ke liye aa

kis kis ko bataenge judai ka sabab hum
tu mujh se KHafa hai to zamane ke liye aa

ek umr se hun lazzat-e-girya se bhi mahrum
ai rahat-e-jaan mujh ko rulane ke liye aa

ab tak dil-e-KHush-fahm ko tujh se hain ummiden
ye aaKHiri shamen bhi bujhane ke liye aa

Ahmad Faraz Poetry On Bewafai
Tumhari ek nigaah se qatal hote hai log Faraz
Ek nazar hum ko bhi dekh lo ke tum bin zindagi achchi nahin lagti

Ahmad Faraz Ghazal

Aankh se dur na ho dil se utar jaega
aankh se dur na ho dil se utar jaega
waqt ka kya hai guzarta hai guzar jaega

itna manus na ho KHalwat-e-gham se apni
tu kabhi KHud ko bhi dekhega to Dar jaega

Dubte Dubte kashti ko uchhaala de dun
main nahin koi to sahil pe utar jaega

zindagi teri ata hai to ye jaane wala
teri baKHshish teri dahliz pe dhar jaega

zabt lazim hai magar dukh hai qayamat ka ‘faraaz’
zalim ab ke bhi na roega to mar jaega

Ahmad Faraz sher

Ab use roz na sonchoon to badan toot ta hai Faraz
Umar gujari hai us ki yaad ka nasha kiye hue

Ahmad Faraz Poetry On Love

Aashiqi mein 'mir' jaise KHwab mat dekha karo
aashiqi mein ‘mir’ jaise KHwab mat dekha karo
bawle ho jaoge mahtab mat dekha karo

jasta jasta paDh liya karna mazamin-e-wafa
par kitab-e-ishq ka har bab mat dekha karo

is tamashe mein ulaT jati hain aksar kashtiyan
Dubne walon ko zer-e-ab mat dekha karo

mai-kade mein kya takalluf mai-kashi mein kya hijab
bazm-e-saqi mein adab aadab mat dekha karo

hum se durweshon ke ghar aao to yaron ki tarah
har jagah KHas-KHana o barfab mat dekha karo

mange-tange ki qabaen der tak rahti nahin
yar logon ke laqab-alqab mat dekha karo

tishnagi mein lab bhigo lena bhi kafi hai ‘faraaz’
jam mein sahba hai ya zahrab mat dekha karo

Ahmad Faraz Poetry On Life

Ek nafrat hi nahin duniya mein dard ka sabab Faraz
Mohabbat bhi sakoon walon ko badi taklif deti hai

Ahmad Faraz Shayari

Ab aur kya kisi se marasim baDhaen hum
ab aur kya kisi se marasim baDhaen hum
ye bhi bahut hai tujh ko agar bhul jaen hum

sahra-e-zindagi mein koi dusra na tha
sunte rahe hain aap hi apni sadaen hum

is zindagi mein itni faraghat kise nasib
itna na yaad aa ki tujhe bhul jaen hum

tu itni dil-zada to na thi ai shab-e-firaq
aa tere raste mein sitare luTaen hum

wo log ab kahan hain jo kahte the kal ‘faraaz’
he he KHuda-na-karda tujhe bhi rulaen hum

Poetry By Ahmad Faraz In Urdu Two Lines

Hum apni rooh tere jism mein chhod aaye Faraz
Tujhe gale se lagana to ek bahaana tha

Ahmad Faraz Ghazal

Ab ke hum bichhDe to shayad kabhi KHwabon mein milen
ab ke hum bichhDe to shayad kabhi KHwabon mein milen
jis tarah sukhe hue phul kitabon mein milen

DhunDh ujDe hue logon mein wafa ke moti
ye KHazane tujhe mumkin hai KHarabon mein milen

gham-e-duniya bhi gham-e-yar mein shamil kar lo
nashsha baDhta hai sharaben jo sharabon mein milen

tu KHuda hai na mera ishq farishton jaisa
donon insan hain to kyun itne hijabon mein milen

aaj hum dar pe khinche gae jin baaton par
kya ajab kal wo zamane ko nisabon mein milen

ab na wo main na wo tu hai na wo mazi hai ‘faraaz’
jaise do sae tamanna ke sarabon mein milen

Poetry By Ahmad Faraz In Urdu
Mana ki tum guftgoo ke fan mein mahir ho Faraz
Wafa ke lafz pe atako to humein yaad kar lena

Ahmad Faraz Poetry In Urdu

Ab ke tajdid-e-wafa ka nahin imkan jaanan
ab ke tajdid-e-wafa ka nahin imkan jaanan
yaad kya tujh ko dilaen tera paiman jaanan

yunhi mausam ki ada dekh ke yaad aaya hai
kis qadar jald badal jate hain insan jaanan

zindagi teri ata thi so tere nam ki hai
hum ne jaise bhi basar ki tera ehsan jaanan

hum bhi kya sada the hum ne bhi samajh rakkha tha
gham-e-dauran se juda hai gham-e-jaanan jaanan

ab ke kuchh aisi saji mahfil-e-yaran jaanan
sar-ba-zanu hai koi sar-ba-gareban jaanan

har koi apni hi aawaz se kanp uThta hai
har koi apne hi sae se hirasan jaanan

hum ki ruThi hui rut ko bhi mana lete the
hum ne dekha hi na tha mausam-e-hijran jaanan

hosh aaya to sabhi KHwab the reza reza
jaise uDte hue auraq-e-pareshan jaanan

Ahmad Faraz Poetry On Love

Zamane ke sawalon ko mein hans ke taal doon Faraz
Lekin nami aankhon ki kehati hai “mujhe tum yaad aate ho”

Ahmad Faraz Ghazal

Ab kya sochen kya haalat the kis karan ye zahr piya hai
ab kya sochen kya haalat the kis karan ye zahr piya hai
hum ne us ke shahr ko chhoDa aur aankhon ko mund liya hai

apna ye shewa to nahin tha apne gham auron ko saunpen
KHud to jagte ya sote hain us ko kyun be-KHwab kiya hai

KHilqat ke aawaze bhi the band us ke darwaze bhi the
phir bhi us kuche se guzre phir bhi us ka nam liya hai

hijr ki rut jaan-lewa thi par ghalat sabhi andaze nikle
taza rifaqat ke mausam tak main bhi jiya hun wo bhi jiya hai

ek ‘faraaz’ tumhin tanha ho jo ab tak dukh ke rasiya ho
warna aksar dil walon ne dard ka rasta chhoD diya hai

Ahmad Faraz Poetry
Apne hi hote hai jo dil pe war karte hai Faraz
Warna gairon ko kya khabar ki dil ki jagah kaun si hai

NEXT :- 2 Line Ahmad Faraz Shayari